മലയാളികള്ക്ക് ട്രാഫിക് പുത്തരിയല്ല.കണ്ടു മടുത്ത, കേട്ടു മടുത്ത, ശപിച്ചു മടുത്ത ഒരു വാക്ക്.പഴഞ്ചനായ ഈ വാക്ക് പഴകി ചീഞ്ഞു നാറിയ മലയാള സിനിമയ്ക്കു ഒരു പുതുമ പകരുന്നു.കൌതുകം നിറഞ്ഞ ഒരു കാഴ്ച.രാജേഷ്പിള്ള എന്ന സംവിധായകന്റെ വിജയം.അതിലുപരി സൂപ്പര് സ്റ്റാര് സിനിമകളെ മാത്രം കാണാന് പ്രേരിപ്പിക്കുന്ന സ്വന്തം മനസുകള്ക്ക് അധീതമായ വിജയ കാഹളം.ബോബി-സഞ്ജയ് എന്ന ഇരട്ട തിരക്കഥകൃത്തുക്കള് (എന്റെ വീട് അപ്പൂന്റെയും, നോട്ട്ബുക്ക്,കാസനോവ) ഒരുക്കിയ ഈ ചിത്രം തികച്ചും വേറിട്ടൊരു അനുഭവം ആണെന്ന് ഉറപ്പിച്ചു പറയാന് കഴിയുന്നത് എങ്ങനെ ?
ശ്രീനിവാസന്, കുഞ്ചാക്കോ ബോബന്, അസിഫ് അലി, വിനീത് ശ്രീനിവാസന്, സന്ധ്യ, റോമ, രമ്യ,കൃഷ്ണ, അനൂപ് മേനോന്, റഹ്മാന്, ലെന,സായികുമാര്, വിജയകുമാര്.ഇത്രെയും പേരാണ് ഇവിടെ ട്രാഫിക് ഉണ്ടാക്കുന്നത്.സാധാരണയായി സിനിമയെക്കുറിച്ച് ഒരു കുറിപ്പ് എഴുതുമ്പോള് നായകന്റെയും നായികയുടെയും പേരുകള് മാത്രമേ പ്രതിപാദിക്കാന് ശ്രമിക്കാറുള്ളൂ.. തോന്നാറുള്ളൂ, അതാണ് സത്യം! ഈ സിനിമയില് ഒരു കഥാപാത്രവും അങ്ങനെ വെറുതെ കേറി വന്നതല്ല.അവിടെയാണ് തിരക്കഥക്കുള്ള ആദ്യ മാര്ക്ക്.
മരണത്തിന്റെ നൂല്പാലത്തിലൂടെ ഒരു യാത്ര.പിടയുന്ന മനുഷ്യ ജീവിതങ്ങള്ക്കിടയില് വ്യക്തിപരമായ പ്രശ്നങ്ങള്.എന്തിനും ഏതിനും ഒരു 'കാരണം'. വെറുതെ ഇങ്ങനെ പറഞ്ഞു പോകാവുന്ന ഒരു പ്രമേയത്തെ പ്രേക്ഷകര് കാണാത്ത തരത്തിലുള്ള ഒരു സിനിമ ആക്കിയിരിക്കുന്നു രാജേഷ്പിള്ള എന്ന സംവിധായകന്.ഒരു തോല്വിയുടെ കയത്തില് നിന്നും മലയാളത്തിലെ ഇപ്പോഴുള്ള അതികായകരായ സംവിധായകര്ക്ക് ഒപ്പം കസേര ഇട്ടിരിക്കാന് അദ്ധേഹത്തെ ഈ സിനിമ യോഗ്യന് ആക്കിയിരിക്കുന്നു.
വളരെ നല്ലൊരു തിരക്കഥയുടെ ബലത്തില് അണിയിച്ചൊരുക്കിയ ഈ ചിത്രത്തിലെ താരവും 'തിരക്കഥ' തന്നെ.താരങ്ങളെ നിഷ്പ്രഭമാക്കുന്ന ഇത് പോലെ ഉള്ള തിരക്കഥകള് മലയാള സിനിമയ്ക്കു മാറ്റത്തിന്റെ മാറ്റൊലി ആണ് നല്കുന്നത്.
VERDICT : 4/5 - കുടുംബസമേതം ആസ്വദിക്കൂ...
വാല്ക്കഷണം : പ്രേക്ഷകനും രാജേഷ്പിള്ളക്കും 'ഹൃദയത്തില് സൂക്ഷിക്കാന്' പറ്റുന്ന ഒരു ചിത്രമായി മാറിയിരിക്കുന്നു ട്രാഫിക്.
